Viðurkenningar

Hvatningarverðlaun ÖBÍ 2016

Á alþjóðlegum baráttudegi fatlaðs fólks, 3. desember ’16, hlaut Tabú Hvatningarverðlaun ÖBÍ í flokki umfjöllunar og kynningar. Verðlaunin voru veitt við hátíðlega athöfn í Hörpu en auk Tabú hlaut Friðrik Sigurðsson verðlaun í flokki einstaklinga og Dagsól ehf./verlunin Next verðlaun í flokki fyrirtækja og stofnanna.Veittu Tabúkonurnar Embla Guðrúnar Ágústsdóttir og Þorbera Fjölnisdóttir verðlaununum viðtöku fyrir hönd Tabú. Í fréttatilkynningu ÖBÍ vegna viðurkenninganna segir:

„Tabú hlýtur verðlaun fyrir fræðslu og markvissa umfjöllun um stöðu fatlaðs fólks í samfélaginu. Tabú er femínísk hreyfing sem beinir sjónum sínum að margþættri mismunun gagnvart fötluðu fólki. Með umfjöllun sinni styður hreyfingin alla til þess að rjúfa þögnina og tala um það sem ekki má.“

Hvatningarverðun ÖBI

Á myndinni má sjá alla þá sem tilnefndir voru upp í sviði. Fyrir aftan hópinn sést glæra sem á stendur „handhafar Hvatningarverðlauna ÖBÍ“.

Réttlætisviðurkenning Stígamóta 2014

Embla og Freyja með viðurkenningu Stígamóta

Embla og Freyja með viðurkenningu Stígamóta

Þann 21. nóvember 2014 hlaut Tabú Réttlætisviðurkenningu Stígamóta 2014 ásamt fríðum flokki mannréttindafólks. Auk Tabú hlutu sex aðilar viðurkenningu Stígamóta þau Björg G. Gísladóttir, Steinar Bragi, Reykjavíkurdætur, Jóhannes Kr. Kristjánsson, Rótin og Druslugangan. Í fréttatilkynningu Stígamóta vegna viðurkenninganna segir um Tabú:

„Mannréttindabaráttu fatlaðs fólks hefur heldur betur bæst liðsauki með stofnun Tabú. Þær Embla og Freyja hafa með upplýstri umræðu lagt mikið af mörkum til þess að eyða fordómum og stuðla að vitundarvakningu um ölbreytileika, femínisma og ableisma. Það er ekki síst Tabú að þakka að á Stígamótum höfum við dýpkað skilning okkar á því fjölbreytta ofbeldi sem beitt er gegn fötluðu fólki. Megi samvinna okkar verða sem blómlegust.“

Hópmynd af öllum þeim sem hlutu viðkurkenningu frá Stígamótum árið 2014

Hópmynd af öllum þeim sem hlutu viðkurkenningu frá Stígamótum árið 2014

Heiðursviðurkenning Kynfræðifélags Íslands árið 2014

Mynd af viðurkenningarplaggi KynísFrá árinu 2010 hefur Kynfræðifélags Íslands (Kynís) annað hvert ár heiðra einn aðila sem hefur, með einum eða öðrum hætti, elft framgöngu kynfræða á Íslandi. Árið 2014 ákvað stjórn Kynís að veita Tabú og þeim Freyja Haraldsdóttir og Embla Guðrúnar Ágústsdóttir, heiðursviðurkenningu félagsins. Í tilkynningu frá Kynís segir:

„Þær hafa með ötulli orðræðu bæði á netinu, í fjölmiðlum og með fyrirlestrum vakið athygli fólks á málefnum fatlaðs fólks og minnt á að fatlað fólk, rétt eins og ófatlað, eru kynverur og eiga rétt á því að upplifa sig sem slíkar. Þær eru frumkvöðlar í þessari mikilvægu umræðu og stjórn Kynís hlakkar til að heyra meira frá þeim í framtíðinni.“

Freyja og Embla taka á móti viðurkenninguni frá Siggu Dögg formanni Kynís

Freyja og Embla taka á móti viðurkenninguni frá Siggu Dögg formanni Kynís