Virðingarvakningin Í fréttum er þetta helst hófts þann 20. mars 2014 með pistli Emblu Guðrúnar Ágústsdóttur ‘Lætur píkuna ekki aftra sér’ þar sem hún fjallaði um þá orðræðu sem ríkir í fjölmiðlum um fatlað fólk. Í kjölfarið birti Tabú myndaalbúm á facebook þar sem safnað var saman Íslenskum hetjufréttum af fötluðu fólki. Í kjölfar myndbirtingana á facebook útbjó Tabú gervifréttir þar sem fjallað er um ófatlað fólk með sama hætti og fatlað fólk.

Samkvæmt Stöð 2 lætur Björn fötlun sína ekki aftra sér frá því að stunda nám í HR.

Bardagamaðurinn Newell lætur fötlun sína ekki aftra sér frá því að keppa í MMA.

Samkvæmt Fréttatímanum lætur Ólafur fötlun sína ekki aftra sér frá því að láta drauma sína rætast og vera opinn fyrir ástinnni.

Samkvæmt Vísi lætur Gabriel fötlun sína ekki aftra sér frá því að spila fótbolta.

Samkvæmt Vísi lætur Íva fötlun sína ekki aftra sér frá því að láta drauma sína rætast.

Samkvæmt RÚV láta áhugamenn um handbolta fötlun sína ekki aftra sér frá því að stunda íþróttina.

Samkvæmt RÚV lætur Kalli fötlun sína ekki aftra sér í listsköpun sinni.

Samkvæmt DV lætur Stefán fötlun sína ekki aftra sér frá því að taka virkan þátt í samfélaginu.

Samkvæmt Morgunblaðinu lætur Breki fötlun sína ekki stoppa sig í að gera það sem hann dreymir um.

Samkvæmt hun.is lætur VanHoose fötlun sína ekki stoppa sig í því að koma fram og syngja með ótrúlegri rödd.

Samkvæmt Vísi lætur Hilmar ekkert stoppa sig þrátt fyrir fötlun sína.

Samkvæmt Vísi er það enn fréttnæmt að Hilmar láti fötlunina ekki stoppa sig.

Samkvæmt bleikt.is lætur ótrúlegt afreksfólk fötlun sína ekki stoppa sig í því að skara fram úr á sviði íþróttanna.

Samkvæmt DV lætur Bergvin ekkert stöðva sig og býður sig fram til ritara Samfylkingar.

Samkvæmt bleikt.is lætur Ásdís fötlun sína ekki hindra sig í að láta draumana rætast.

Samkvæmt DV lætur Rúnar fötlun sína ekki stöðva sig í að sjá um bú foreldra sinna.

Samkvæmt Morgunblaðinu lætur Ásmundur fötlun ekki stöðva sig í listsköpun sinni.

Samkvæmt Fréttablaðinu láta systurnar Áslaug og Snædís ekkert stöðva sig og láta drauma sína rætast þrátt fyrir fötlun sína.

Samkvæmt mbl.is lætur Freyja fötlun sína ekki stoppa sig og ætlar að taka þátt í Reykjavíkurmaraþoninu.

Samkvæmt mbl.is lætur Embla hreyfihömlun ekki hindra sig í að lifa lífinu.

Bleikt.is birti grein um fatlaðan mann með fyrirsögninni: Lætur alvarlega fötlun ekki stöðva sig: „Ég er bara venjuleg manneskja“ Upphaf fréttarinnar er eftirfarandi: Maður sem fæddist með svo alvarlega fötlun að höfuð hans snýr á hvolf hefur vakið athygli og veitt innblástur með sögu sinni og ræðum sem hann flytur um allan heim. Sjá frétt: http://bleikt.pressan.is/lesa/laetur-alvarlega-fotlun-ekki-stodva-sig-eg-er-bara-venjuleg-manneskja/

Væri þetta helst í fréttum?

Væri þetta helst í fréttum: Forsetinn lætur gráu hárin ekki aftra sér.

Væri þetta helst í fréttum: Hvítur gefur út bók.

Væri þetta helst í fréttum: Hlín á fallegan kjól þrátt fyrir sítt hár.

Væri þetta helst í fréttum: Pétur Jóhann hljóp maraþon þrátt fyrir að stríða við ófötlun.

Væri þetta helst í fréttum: Eva María lætur píkuna ekki aftra sér frá því að halda ræðu.

Væri þetta helst í fréttum: Nemendur í Gettu betur liði MH sigruðu þrátt fyrir ófötlun sína.

Væri þetta helst í fréttum: Illugi lætur utan á liggjandi kynfæri sín ekki aftra sér.

Væri þetta frétt? Umfjöllun um Bjarna Benediktsson ráðherra.

Væri þetta frétt? Mynd er af Bjarna Benediktssyni ráðherra. Fyrirsögnin: Lætur alvarlega ófötlun ekki stöðva sig: „Ég er bara venjuleg manneskja.“ Texti í frétt: Maður sem fæddist með svo alvarlega ófötlun að höfuð hans snýr rétt hefur vakið athygli og veitt innblástur með þingstörfum sínum og ráðherrastarfi út um allan heim.

Prenta

Instagram

3 years ago by tabufem Iva Marín, ein af yngstu Tabúkonunum, hélt snilldarlega ræðu á málþinginu 'Byltingin 2015: hvað svo?' sem haldin var af konum þvert á stjórnmálaflokka. Þar fór hún yfir sviðið út frá sjónarhorni sínu sem ung fötluð kona.
3 years ago by tabufem Við Tabúkonur förum talsvert og höldum fyrirlestra út um víðan völl. Í tilefni af virðingarvakningunni #heimahj ámér höfum við ákveðið að allir fyrirlestrar um hugmyndafræðina um sjálfstætt líf og NPA á okkar vegum verði til heiðurs Benedikt og Salbjörgu þar til réttlætið í NPA málum á Íslandi sigrar. Freyja fór í dag með fræðslu til starfsfólks í búsetuúrræðum í Reykjavík og fjallaði um hugmyndafræðina um sjálfstætt líf, mikilvægi þess að hafa vald yfir lífi sínu og líkama og átakið #heimahj ámér.
3 years ago by tabufem Þegar þessir þrír stórtæku femínistar hittast og vinna saman, frá Tabú og Stígamótum, er ekki ráðist á garðinn þar sem hann er lægstur. Þá er heldur aldrei leiðinlegt né lognmolla. @helgabaldvins @freyjaharalds @emblan #st ígamót #tabufem
3 years ago by tabufem Í dag hélt Embla fyrirlestur á Evrópunámskeiði ungs fatlaðs fólks í Strasbourg og fjallaði þar um Tabúin í kringum fötlun, kynlíf og kynhneigðir!
3 years ago by tabufem Þá er Embla aftur mætt til Strasbourg en núna á málþingið 'Gender Equality Matter' þar sem fjallað er um mikilvægi kynjajafnréttis í starfi með ungu fólki. Embla tekur þátt í málþinginu sem fulltrúi ENIL (Evrópusamtaka um sjálfstætt líf). [Myndlýsing: myndin er tekin utandyra þar sem Embla stendur brosandi í hvítum sumarkjól með mynstri fyrir framan skilti sem á stendur 'Counsil of Europe - European youth centre' það sama stendur einnig á frönsku á skiltinu.]
3 years ago by tabufem Freyja er þrítug í dag og fékk þessa stórkostlegu vísu frá vinkonu sinni Söndru Ólafsdóttur í afmæliskorti. Það er ekki hægt að sleppa því að deila henni! Tabúkonur koma víða við. [Myndlýsing: vísan handskrifuð inn í kort með bláum penna og er eftirfarandi: Frekju feðraveldið sér mannréttindaFreyja, skekur stóran typpaher með skörungum Tabúmeyja]
3 years ago by tabufem Í helgarblaði DV má finna heilsíðu viðtal við hina ungu og kraftmikilu Tabúkonu Ívu Marín! Þar fjallar hún um eigin reynslu, Tabú og Druslugönguna og segir meðal annars: ,,Það er eins og mörgum þyki óþægilegt að horfast í augu við þá staðreynd að fatlaðir eru líka kynverur. [...] Fyrst þurfum við að fá samfélagið til að viðurkenna að fatlaðir séu kynverur og stundi kynlíf, svo verðum við reiðubúin að horfast í augu við staðreyndir um ofbeldi ."
3 years ago by tabufem Fréttastofa Stöðvar 2 ræddi við Hrafnhildi í dag í kjölfar greinar sem hún skrifaði í gær um upplifun sína af fordómum á vinnumarkaði. Fylgist með!
3 years ago by tabufem Embla er stödd í Berlín á ráðstefnu WAVE (Women Against Violence Europe) og flutti í dag erlindi þar sem hún kynnti starfsemi Tabú. Í sömu málstofu var einnig kynning frá hópi kvenna frá Þýskalandi sem vinna að því að bæta aðgengi fatlaðs fólks að stuðningsúræðum fyrir brotaþola ofbeldis.
1 year ago by tabufem Tabú hlaut í dag styrk frá mannréttindaráði Reykjavíkurborgar til þess að geta haldið fleiri valdeflandi mannréttindanámskeið fyrir fatlað fólk! Við þökkum Reykjavíkurborg kærlega fyrir stuðninginn!